చాలామంది మహిళలకు రుతుస్రావం సమయంలో
నొప్పిగా ఉంటుంది. ఒక్కోసారి నొప్పి తీవ్రంగా ఉండి చాలా ఇబ్బంది కలుగజేస్తుంది.
మెన్సెస్‌తో పాటు నడుం నొప్పి, వక్షోజాల నొప్పి కూడా రావచ్చు.
పొత్తికడుపులో విపరీతమైన నొప్పి కూడా ఉండవచ్చు.
పరిష్కారం :
- సరైన పోషకాహారం, సరళమైన వ్యాయామాలతో పీరియడ్ పెయిన్స్ నుండి ఉపశమనం పొందవచ్చు.
- పీరియడ్‌కు ముందు వారం రోజుల నుండి ఉప్పును తగ్గించండి.
- మాంసాహారం తక్కువగా తింటే మంచిది. అంటే వారానికి ఒక్కసారి మాత్రమే తినవచ్చు.
- మసాలా దినుసులు, కెఫేన్ ఉండే పానీయాలు అంటే టీ, కాఫీ, కొన్ని రకాల చాక్లెట్లు మరియు నూనె ఎక్కువగా వాడే వేపుళ్లు, వంటివి తినడం మానుకోవాలి.
- కొబ్బరి నీరు అధికంగా తాగితే మంచిది.
- నొప్పి అధికంగా ఉన్నప్పుడు కడుపు కింది భాగంపై వేడి నీళ్ల బాటిల్ పెట్టుకుంటే కొంచెం ఉపశమనం కలుగుతుంది.
- నడుము కింద తలగడ ఉంచుకోండి.
- ఉదయం పూట 10 తులసి ఆకులు నమిలి మింగి ఒక గ్లాసు నీరు తాగితే మంచిది.
